Neach-Teagaisg Na Gaidhlig (LAN140A)

Tha Sgoil Cànain, Litreachais, Ciùil & Cultair Lèirsinnich ag iarraidh Neach-teagaisg làn-ùine fhastadh ann an Gàidhlig gus cur ris an teagasg sna fo-cheumannan le Gàidhlig. Tha e riatanach gum bi an neach san dreuchd comasach air clasaichean cànain a lìbhrigeadh aig gach ìre agus comasach air cur ris na ceumannan ann an Eòlas na Gàidhlig ann an dòighean eile a bharrachd.

Thathar an dùil gun tòisich an neach a chuirear san dreuchd ann am meadhan na Dùbhlachd 2024.

Thathar an dùil gum bi tagraichean mar as trice stèidhichte ann an Obar Dheathain. Cuirear fàilte cuideachd air tagraidhean airson co-roinn obrach.

Tha Gàidhlig air aon de na cuspairean san Sgoil. Bu chòir ceum ann an Gàidhlig a bhith aig tagraichean agus feumar a bhith fileanta sa chànan.

Gheibhear tuarastal aig an ìre fhreagarraich de Ìre Phàighidh 6, £37,999 – £45,463 per annum, agus faodar an ìre sin aontachadh a rèir theisteanasan agus eòlais.

Mus faigh iad obair, feumaidh an tagraiche soirbheachail a bhith comasach air sealltainn gu bheil còir aca air obair san RA.  Dh’ fhaodadh gum bi an dreuchd seo airidh air sponsoireachd fon t-slighe Neach-obrach Sgileil a thaobh riaghailtean in-imrich UKVI ach tha e an urra ri suidheachadh sònraichte an tagraiche agus ma ghabhas puingean malairt cleachdadh fo na riaghailtean.

Tha fiosrachadh mu roghainnean bhìosa eile ri fhaighinn aig https://www.gov.uk/check-uk-visa.

Na bi leisg fios a chur gu Grant Rae, Comhairliche HR (Foghlainneach Ceumnaiche) (post-d: grant.rae@abdn.ac.uk) airson tuilleadh fiosrachaidh.