Ball den Bhòrd-stiùiridh

’S e Bòrd na Gàidhlig buidheann nàiseanta cànain – Buidheann Phoblach Neo-roinneil reachdail aig a bheil grunn dhleastanasan reachdail air am mìneachadh fo Achd na Gàidhlig (Alba) 2005 agus Achd an Fhoghlaim (2016).

’S iad prìomh adhbhar agus amasan ro-innleachdail Bhòrd na Gàidhlig:

• meudachadh a thoirt air àireamh nan daoine a chleachdas agus a thuigeas a’ Ghàidhlig;
• daoine a bhrosnachadh gu bhith a’ cleachdadh agus a’ tuigsinn na Gàidhlig; agus
• a bhith a’ cuideachadh gus cothrom a thoirt do dhaoine, taobh a-staigh agus a-muigh na h-Alba, air a’ Ghàidhlig agus cultar na Gàidhlig.

Tha an Leas-Phrìomh Mhinistear a’ cur luach mòr air na buannachdan a dh’fhaodas a bhith ann ma thèid measgachadh farsaing de shuidheachaidhean sòisealta agus eòlas-beatha a riochdachadh air a’ Bhòrd. Cuiridh i fàilte gu sònraichte air iarrtasan bho dhaoine bho choimhearsnachdan dham buin a’ Ghàidhlig gu traidiseanta.

Dreuchd Ball a’ Bhùird

Thathar an dùil gun cuidich Buill a’ Bhùird leis an obair a leanas:

• a’ brosnachadh dhaoine gu bhith a’ cleachdadh na Gàidhlig agus a’ tarraing aire dhaoine chun a’ chànain;
• ag obair còmhla ri prìomh bhuidhnean Gàidhlig agus buidhnean san roinn phoblaich airson cleachdadh na Gàidhlig a chur air adhart, agus a’ comharrachadh chothroman ùra airson obair a dhèanamh ann an com-pàirteachadh le buidhnean sna roinnean poblach, prìobhaideach agus saor-thoileach mar a bhios sin iomchaidh;
• a’ cuideachadh le bhith a’ dealbhadh agus a’ leasachadh amasan ro-innleachdail a’ Bhùird, a’ stèidheachadh cheann-uidhe dùbhlanach agus a’ cumail sùil air adhartas leis na cinn-uidhe sin;
• a’ toirt aire cheart dhan stiùireadh a gheibhear bho Mhinistearan na h-Alba agus Riaghaltas na h-Alba;
• a’ cur ri obair aonan no dhà de chomataidhean a’ Bhùird (Comataidh Poileasaidh is Ghoireasan, agus Comataidh Sgrùdaidh is Stiùireadh Chunnartan);
• a’ cumail sùil air agus a’ cur ri Plana Nàiseanta na Gàidhlig 2023-28.

Sgilean agus Eòlas

thathar a’ sùileachadh gum bi luchd-iarrtais a’ coileanadh co-dhiù aon de na Slatan-tòmhais Prìomhachais agus a h-uile gun de na Slatan-tomhais Riatanach.

Slatan-tomhais Prìomhachais

1. Tuigse no eòlas air stiùireadh chunnartan, riaghladh ionmhais agus cunntasachd.
2. Eòlas air na prìomh dhùbhlain agus chothroman an lùib beatha ann an coimhearsnachdan dham buin a’ Ghàidhlig gu traidiseanta.
3. An comas coimhearsnachdan dùthchail no eileanach a neartachadh tro dhòighean-obrach a tha stèidhichte air conaltradh agus com-pàirteachadh coimhearsnachd.
4. Fìor dheagh thuigse agus/no eòlas air foghlam tro mheadhan na Gàidhlig a lìbhrigeadh (bho fhoghlam sgoil-àraich gu ionnsachadh mar inbheach/foghlam adhartach).
5. Eòlas air obair a dhèanamh ann an àrainneachd conaltraidh chorporra no nam meadhanan corporra, ’s deagh sgilean-conaltraidh agaibh ann am bruidhinn agus ann an sgrìobhadh.

Slatan-tomhais Riatanach

1. An comas Gàidhlig a leughadh, a sgrìobhadh, a bhruidhinn agus a thuigsinn gu fileanta.
2. Deagh sgilean-conaltraidh eadar-phearsanta/pearsanta, agus an comas air beachdan dhaoine eile a cheasnachadh ann an dòigh mheasail, chuideachail.
3. An comas a bhith ag obair mar phàirt de sgioba, ’s sibh a’ togail dhàimhean làidir agus ag obair gus amasan cumanta a ruigsinn.
4. Eòlas air obair a phlanadh agus a lìbhrigeadh air bun-stèidh

Lorgar barrachd fiosrachaidh mun dreuchd agus faodar tagradh a a chur a-steach air a shon tron cheangal gu h-ìosal.