Teicneòlaiche TF

Tha Sabhal Mòr Ostaig a’ sireadh Teicneòlaiche TF a bhios ag obair ann an Roinn an Teicneòlais Fhiosrachaidh is Chonaltraidh air làrach na colaiste ann an Slèite. Bidh an neach-dreuchd seo a’ coileanadh dhleastanasan cudromach agus iad a’ cumail taic ri bun-structair didseatach na colaiste agus bidh iad ag obair gu dlùth còmhla ris an sgioba TFC agus luchd-obrach na colaiste airson dèanamh cinnteach gun gabh goireasan teicneòlais a chur feum gu h-èifeachdach agus gun trioblaid.

Tha sinn a’ coimhead airson cuideigin:

• Aig a bheil ùidh mhòr ann an TFC agus a tha airson rudan ùra ionnsachadh.
• A tha math air a bhith ag obair ann an sgioba agus aig a bheil sàr sgilean eadar-phearsanta.
• As urrainn conaltradh èifeachdach a dhèanamh agus a bhith ag obair le misneachd ann an àite-obrach Gàidhlig.

Bhiodh e feumail nam biodh eòlas-obrach no eòlas agad air na nithean a leanas:

• Microsoft 365
• Entra / Intune
• An siostam-obrachaidh Windows is am fear airson Apple Mac
• Bathar-cruaidh airson choimpiutairean agus siostaman-lìonra

Mura h-eil na sgilean seo uile agad, na gabh dragh – tha sinn ro dheònach trèanadh a thoirt do thagraiche a tha freagarrach airson na h-obrach.

Na tha sinn a’ tabhainn

• Àite-obrach taiceil far am bi thu mar phàirt de sgioba
• Cothroman trèanaidh is leasachaidh
• Cothroman leasachaidh proifeiseanta
• Cothrom a bhith ag obair ann an dreuchd ann an àite-obrach far a bheilear a’ cleachdadh Gàidhlig mar phrìomh chànan gus conaltradh a dhèanamh