Manaidsear Foghlaim (Fòrladh Màthaireil)

Tha Bòrd na Gàidhlig a’ sireadh Manaidsear Foghlaim airson fòrladh màthaireil. Bidh cùmhnant ann de cho-dhiù naoi mìosan. ’S e obair glè inntinneach, farsaing is cudromach a tha seo is tha seo na deagh chothrom airson cuideigin a tha airson an cuid eòlais a leudachadh le a bhith ag obair ann am buidheann phoblach, leis an Riaghaltas, agus le iomadh ùghdarras ionadail is buidheann shaor-thoileach.

Ma tha ùidh agaibh san dreuchd seo, tha i fosgailte airson tagraidhean suas gu meadhan-latha Diluain 23mh Lùnastail 2021 is tha sinn an dùil gun tèid agallamhan a chumail air Diluain 30mh Lùnastail 2021.

Bu chòir tagraidhean a dhol gu corporra@gaidhlig.scot.

Ma tha sibh airson barrachd fhaighinn a-mach mun dreuchd, cuiribh post-d gu corporra@gaidhlig.scot is cuiridh sinn fios air ais thugaibh.