Obraichean Gàidhlig
Làrach-lìn / Website Sabhal Mòr Ostaig
Tha Sabhal Mòr Ostaig an-dràsta a’ sireadh thagraichean mu choinneimh na dreuchd Stiùiriche ann am Foghlam Thidsearan. ’S e cothrom air leth a tha seo airson cothroman ionnsachaidh do dh’oileanaich teagaisg agus do thidsearan a stiùireadh agus a bhith a’ co-obrachadh ann an sàr sgioba air àrainneachd bhrosnachail, dhùbhlanach is luachmhor, tro mheadhan na Gàidhlig.
Tha eòlas air foghlam Gàidhlig, teisteanas teagaisg aig ìre bun-sgoile no àrd-sgoile agus làn-chlàradh le GTCS riatanach san dreuchd. Cuiridh an neach soirbheachail gu mòr ri teagasg agus measadh air cùrsaichean foghlaim, a’ gabhail a-steach:
- BA (le Urram) Gàidhlig agus Foghlam
- PGDE (Slighe Ghàidhlig – bun-sgoil agus àrd-sgoil)
- MEd ann am Foghlam Gàidhlig
Tha sinn a’ cur fàilte air iarrtasan airson na dreuchd seo bho thagraichean uidheamaichte. Bu chòir deagh eòlas a bhith aig tagraichean air Foghlam Gàidhlig aig ìre sgoile agus chuireamaid fàilte gu h-àraid air iarrtasan bho thagraichean aig a bheil eòlas air stiùireadh agus riaghladh sgioba.
Gheibhear foirm-iarrtais aig https://www.smo.uhi.ac.uk/cothroman-obrach/