Òraidiche ann am Foghlam Thidsearan

Tha Sabhal Mòr Ostaig an-dràsta a’ sireadh thagraichean mu choinneimh na dreuchd Òraidiche ann am Foghlam Thidsearan air cùmhnant 0.5 FTE airson co-dhiù 12 mìosan mar thoradh air ùine a tha an sgioba stèidhichte a’ cur mu choinneimh an Ionaid Shàr-mhathais ann an Teagasg. ’S e cothrom air leth a tha seo airson taic a chumail ri ginealach ùr de thidsearan ùra Gàidhlig agus a bhith a’ co-obrachadh ann an sàr sgioba air àrainneachd bhrosnachail, dhùbhlanach is luachmhor, tro mheadhan na Gàidhlig. Tha eòlas air foghlam Gàidhlig, teisteanas teagaisg aig ìre bun-sgoile no àrd-sgoile agus làn-chlàradh le GTCS riatanach san dreuchd. Cuiridh an neach soirbheachail gu mòr ri teagasg agus measadh air cùrsaichean foghlaim, a’ gabhail a-steach (a rèir eòlais):

• BA (le Urram) Gàidhlig agus Foghlam
• PGDE (Slighe Ghàidhlig – bun-sgoil agus àrd-sgoil)
• MEd ann am Foghlam Gàidhlig

Tha sinn a’ cur fàilte air iarrtasan airson na dreuchd seo bho thagraichean uidheamaichte. Bu chòir deagh eòlas a bhith aig tagraichean air Foghlam Gàidhlig aig ìre sgoile agus chuireamaid fàilte gu h-àraid air iarrtasan bho thagraichean aig a bheil teisteanas aig ìre àrd-sgoile.

Tha tuilleadh fiosrachaidh agus tuairisgeul-obrach ri fhaighinn aig http://www.smo.uhi.ac.uk/obair

Faodar còmhradh neo-fhoirmeil mun obair a chumail le Shona NicCarmaig, Stiùiriche Foghlam Thidsearan aig snc.smo@uhi.ac.uk