Rianaire

Thig a dh’obair na sgioba bheag ann an Cnoc Soilleir, Uibhist a Deas!

Dleastanasan

• Taic a thoirt do luchd-ùidh leis a h-uile ceist choitcheann.
• Clàran-gnothaich a chruthachadh agus geàrr-chunntasan a ghabhail airson coinneamhan luchd-obrach.
• Siostam faidhlidh eagraichte a chumail suas.
• Siubhal is àite-fuirich a chur air dòigh airson luchd-obrach, agus daoine eile bho thaobh a-muigh na buidhne.
• Rian a chumail air stòr-dàta ballrachd agus stiùireadh air pròiseasan GDPR.
• Clàradh, rèiteachadh agus bancadh gach pàigheadh tro Xero agus cunntas banca a’ chompanaidh.
• Taic le pàigheadh luchd-obrach.
• Sùil a chumail air clàran-ama, agus a’ clàradh shaor-làithean agus neo-làthaireachd.
• Cuir a-steach inntrigidhean dàta airson co-ionannachd, iomadachd agus in-ghabhail (EDI), atharrachadh na gnàth-shìde, agus àireamhan luchd-èisteachd.
• Taic a thoirt don Mhanaidsear Obrachaidh Eadar-amail ann a bhith ag ullachadh aithisgean don bhòrd gu cunbhalach.
• Taic a thoirt don Mhanaidsear Obrachaidh Eadar-amail agus don Stiùiriche Chruthachail, mar a dh’fheumar, ann a bhith ag aithris agus ag ullachadh iarrtasan maoineachaidh.
• Taic a thoirt do chur an gnìomh ar Poileasaidh agus Plana Gàidhlig.
• A’ leasachadh agus a’ toirt taic do dhealbhachadh agus lìbhrigeadh a’ phrògraim thachartasan fad na bliadhna.
• A’ co-òrdanachadh agus a’ riaghladh bùth na làraich-lìn, le uallach airson bathar.
• A’ toirt seachad taic theicnigeach le stèidheachadh PA, fuaim agus solais – thèid trèanadh a thoirt seachad.
• A’ cumail sùil air leabharlann Ceòlais agus catalogadh stuthan.
• Dleastanasan sam bith eile a thathas a’ meas iomchaidh airson na dreuchd seo.