Oifigear Ionnsachaidh is Coimhearsnachd na Gàidhlig

Prìomh dhleastanasan dreuchd Oifigear Ionnsachaidh is Coimhearsnachd na Gàidhlig –

Lìbhrigeadh is Leasachadh Phrògraman

• Co-òrdanachadh air a’ phrògram bhliadhnail de chlasaichean Gàidhlig, an dà chuid gu pearsanta agus air-loidhne.
• Clàr bliadhnail de chùrsaichean bogaidh sa Ghàidhlig a lìbhrigeadh, a’ gabhail a-steach tro chom-pàirteachasan leithid Bliadhna Bhogaidh aig Oilthigh Ghlaschu.
• Leudachadh a thoirt air solas ionnsachaidh na Gàidhlig gach bliadhna, gu h-àraidh tro chlasaichean pearsanta aig Cnoc Soilleir.
• Dèanamh cinnteach gu bheil a h-uile gnìomhachd ionnsachaidh a rèir ìrean àrda le bhith a’ trusadh bheachdan bho luchd-ionnsachaidh, oidean agus com-pàirtichean, agus gan cur an gnìomh.
• Rianachd air clàradh ​​chùrsaichean, agus taic phragtaigeach a thoirt do dh’ionnsachadh air-loidhne airson lìbhrigeadh chlasaichean.

Conaltradh is Taic do dh’Oidean

• Dàimhean làidir a thogail agus a leasachadh le oidean a th’ ann mar-thà agus oidean ùra.
• Oidean a chur air dòigh, agus taic a thoirt dhaibh ann a bhith a’ lìbhrigeadh chùrsaichean, a’ gabhail a-steach taic le goireasan agus innealan didseatach.
• Cothroman a lorg agus a lìbhrigeadh airson trèanadh is leasachadh oidean gach bliadhna.
• Leasachadh a dhèanamh air buidheann nan eòlaichean coimhearsnachd a bheir fiosrachadh ionadail agus eòlas beò an cois ionnsachadh na Gàidhlig.

Conaltradh is Co-obrachadh ri Coimhearsnachd

• Dèan conaltradh bitheanta le luchd-ionnsachaidh na Gàidhlig stèidhichte ann an Uibhist, agus an fheadhainn a tha airson an sgilean Gàidhlig a leasachadh, a’ cuideachadh le bhith a’ comharrachadh agus a’ leasachadh chothroman gu h-ionadail.
• Cuir taic ri taobhan na Gàidhlig ann an tachartasan Cheòlais leithid na Sgoil Shamhraidh, a’ gabhail a-steach co-òrdanachadh luchd-teagaisg agus gnìomhachdan stèidhichte air a’ Ghàidhlig.
• Brosnaich com-pàirteachasan le buidhnean a’ gabhail a-steach Oilthigh Ghlaschu, Piping Live!, buidhnean ionadail, agus gnìomhachasan gus ionnsachadh na Gàidhlig a neartachadh sa choimhearsnachd.
• Brosnaich gnìomhachdan agus tachartasan Gàidhlig Cheòlais gu luchd-èisteachd farsaing tro obair-ruigheachd, tachartasan agus co-obrachadh.

Freagarrachadh Ro-innleachdail is Buidhne

• Cuir ri amasan farsaing Cheòlais, ag obair a rèir a’ Phlana Ro-innleachdail agus prìomhachasan luchd-maoineachaidh, leithid Bòrd na Gàidhlig.
• Taic a thoirt do sgrùdadh, measadh agus aithris na buidhne mar a dh’fheumar.
• Taic a thoirt don bhuidheann ann a bhith a’ leasachadh Cnoc Soilleir mar phrìomh ionad airson ealain is cultar na Gàidhlig.

Sgrùdadh Ionmhais

• Stiùirich buidseatan ionnsachaidh na Gàidhlig gu h-èifeachdach, a’ dèanamh cinnteach gu bheil a h-uile gnìomh air a lìbhrigeadh ann an deagh àm agus taobh a-staigh a’ bhuidseit.

Sònrachadh Pearsanta:

Teisteanasan is Eòlas Riatanach:

• Teisteanas buntainneach no eòlas co-ionann ann am foghlam, leasachadh coimhearsnachd no a’ Ghàidhlig
• Eòlas air prògraman foghlaim, cànain no cultarail a cho-òrdanachadh no a lìbhrigeadh
• Eòlas air obair le buill coimhearsnachd no saor-thoilich
• Eòlas air taic no stiùireadh a thoirt do dhaoine eile (m.e. oidean, luchd-eòlaich)
• Sgilean conaltraidh is togail dhàimhean fìor-mhath, leis a’ chomas raon farsaing de luchd-ùidh a thàladh agus a stiùireadh, bho bhuill coimhearsnachd gu com-pàirtichean nàiseanta
• Fìor dhìorras airson cultar, cànan agus dualchas na Gàidhlig, le dealas làidir a thaobh ealain na Gàidhlig a ghleidheadh ​​agus a bhrosnachadh air taobh a-staigh na coimhearsnachd.

Teisteanasan & Eòlas Ion-mhiannaichte:

• Eòlas air obair Cheòlais
• Eòlas air Google Classroom a chleachdadh
• Eòlas air riaghladh ionmhais, a’ gabhail a-steach buidseatadh, airson phròiseactan
• Eòlas air sgrùdadh, measadh no aithris air pròiseactan do luchd-maoineachaidh
• Lìonra de cheanglaichean air taobh a-staigh saoghal na Gàidhlig, a’ gabhail a-steach com-pàirteachasan le oilthighean, buidhnean cultarail agus buidhnean riaghaltais.

Sgilean & Feartan:

• Neach-labhairt fileanta sa Ghàidhlig le sgilean litearrachd misneachail
• Neach a tha eòlach air obair sgioba, a bhrosnaicheas cruthachalachd, a tha a’ toirt taic do dh’fhàs proifeasanta, agus a’ togail dhàimhean làidir air taobh a-staigh agus a-muigh na buidhne
• Dealas domhainn ann a bhith a’ brosnachadh agus a’ glèidheadh ​​cànan, ceòl agus dualchas na Gàidhlig an cois coimhearsnachd, agus nas fhaide air falbh
• Comasach air soirbheachadh ann an àrainneachd luath, atharrachail, agus a bhith a’ freagairt gu h-èifeachdach do dhùbhlain agus chothroman.